İnsan Resursları


Azər Türk Bank bilik və bacarıqlarına güvənən, daim öyrənməyə, fərdi inkişafa can atan yüksək potensiallı, əməksevər və məsuliyyətli insanları Bankın peşəkar komandasının bir üzvü olmağa dəvət edir. Bizə qoşulmaq istəyən şəxslər özləri barədə məlumatları aşağıdakı müraciət formasına uyğun şəkildə bizə göndərə bilərlər.

Müraciət forması

 

Risk Menecmenti Departamentinin Kredit riskləri və monitorinq şöbəsinin mütəxəssisi
Vəzifə ilə bağlı tələblər:
  • Ali iqtisadi təhlil,
  • ACCA, CIMA, CFA, FRM üzrə biliklər arzuolunandır ,
  • Ümumi IFRS bilikləri,
  • Güclü analitik düşünmə qabiliyyəti və riyazi düşüncə,
  • Maliyyə göstəricilərinin analitikası,
  • Statistik modelləmə və hesabatların hazırlanmasında quantitative metodları tətbiq etmə bacarığı,
  • Maliyyə sahəsində ən azı 3 illik iş təcrübəsi,


Dil biliyi
Azərbaycan , rus və ingilis dili bilikləri.
Komputer biliyi
MS Office proqramları, xüsusilə MS Excel proqramı üzrə yüksək bilik səviyyəsi.
Vəzifə öhdəlikləri:
  • Kredit risklərinin və kreditlərin qiymətləndirilməsinə, idarə olunmasına dair mövcud / potensial problemlərin, eləcə də müsbət elementlərin və kredit itkilərinin minimuma endirilmə yollarının müəyyənləşdirilməsi,
  • Yeni və mövcud müştərilərin maliyyə vəziyyətinin müəyyənləşdirilməsi və potensial borcalanın kredit ödəmə qabiliyyətinin qiymətləndirilməsi,
  • Kredit siyasəti və kreditlərin verilməsi ilə bağlı digər qayda/təlimatlara əsaslanaraq müştəri üzrə limitlərin müəyyənləşdirilməsi ,
  • Kredit üzrə müraciət edən şirkət və müştəri üzrə maliyyə hesabatlarının (pul vəsaitlərinin hərəkəti, maliyyə vəziyyəti haqqında hesabat , mənfəət-zərər hesabatları, proqnozlar və s.) təhlili və bununla əlaqədar rəylərin hazırlanması,
  • Kreditlərin təsdiq və nəzarəti üzrə çatışmamazlıqların müəyyən edilməsi, bununla bağlı məlumatların toplanması və analiz edilməsi,
  • Maliyyə modellərinin hazırlanması, qiymətləndirilməsi və proses analizin aparılması,
  • Mövcud müştərilərin cari maliyyə vəziyyətinə dair kredit risklərinin qiymətləndirilməsi ilə bağlı monitorinqlərin keçirilməsi və rəylərin hazırlanması.
Risk Menecmenti Departamentinin Əməliyyət və Bazar riskləri şöbəsinin mütəxəssisi
Vəzifə ilə bağlı tələblər:
  • Maliyyə, iqtisadi, bank işi və ya müvafiq sahədə ali təhsil,
  • Yüksək analitik düşünmə və problem həll etmə qabiliyyəti.
  • Bank sahəsində ən azı 1 il iş təcrübəsi,
  • FRM, CFA və ya ACCA sertifikatlarının olması üstünlükdür.


Dil biliyi
Əla səviyyədə Azərbaycan və ingilis dili biliyi (rus dili biliyi olanlara üstüklük verilir).
Komputer biliyi
MS Excel proqramı üzrə yüksək bilik səviyyəsi ( SQL bilikləri arzuolunandır).
Vəzifə öhdəlikləri:
  • Bankın struktur bölmələrində aparılan bütün növ əməliyyatlarda yarana biləcək risklərin əvvəlcədən aşkarlanması məqsədilə prosedur, qayda və göstərişlərə əməl edilməsinin müəyyənləşdirilməsi, avtorizasiya hüquqları üzrə müəyyən edilmiş limitlərin istifadəsinə nəzarət edilməsi;
  • Vaxtı keçmiş kreditlərin dinamikasına nəzarət edərək yaranmış problemlərin həlli üçün müəyyən tədbirlərin görülməsi ilə əlaqədar təkliflərin verilməsi;
  • Bankda mövcud ödəniş alətləri və sistemləri üzrə baş vermiş əməliyyatların monitorinqinin aparılması, mümkün risklərin qiymətləndirilməsi, həmin sistemdə baş verə biləcək dəyişikliklərlə tanış olaraq rəy bildirilməsi və müvafiq hesabatların hazırlanması;
  • Bankda gəlirlilik risklərinin təhlilinin aparılması və qiymətləndirilməsi məqsədilə tələb olunan hallarda əlaqədar struktur bölmələrlə birlikdə müvafiq tədbirlərin hazırlanması;
  • Kreditlər üçün yaradılmış ehtiyatlar üzrə mümkün risklərin düzgün qiymətləndirilməsi istiqamətində aidiyyatı struktur bölmələrlə birlikdə kredit portfeli üzrə kreditlərin təsnifləşdirilməsi və mümkün zərərlərin ödənilməsi üçün ehtiyatların yaradılması, Mərkəzi Bankın müvafiq qaydalarına uyğun həyata keçirilməsinə nəzarət edilməsi və təkliflər verilməsi;
  • Kredit portfeli üzrə mümkün risklərin minimuma endirilməsi məqsədilə tələb olunduqda problemli kreditlərə aid edilmiş kredit borcunun qaytarılması barədə müştəri xidməti strukturlarının iştirakı ilə müştərilərlə danışıqlar aparılması, onların maliyyə vəziyyətinin bərpası istiqamətində riskli aktivlərin qənaətbəxş vəziyyətə gətirilməsinə dair tədbirlər görülməsi;
  • Rəhbərliyin göstərişi əsasında yerli struktur bölmələrində ehtimal olunan risklərin araşdırılması, müəyyən edilməsi və aradan qaldırılması üçün təkliflər verilməsi.
Kredit Departamentinin Pərakəndə kreditlərlə iş şöbəsinin Baş mütəxəssisi
Dil bilikləri:
Azərbaycan dili. Rus və ya İngilis dilləri yüksək səviyyədə bilmək üstünlük verir.

Vəzifə ilə bağlı tələblər
  • Ali iqtisadi və ya hüquq təhsil;
  • Bank və ya proseslərin optimallaşdırılması sahəsində minimum 3 illik iş təcrübəsi; 
  • Statistik təhlili bacarıqları, analitik düşünmə və operativ qərarvermə qabiliyyəti;
  • Bir neçə layihə və vəzifəni eyni vaxtda detallı şəkildə əlaqələndirmək qabiliyyəti və güclü təşkilati bacarıqlara sahib olmaq;
  • Yüksək araşdırma qabiliyyəti; 
  • Adiyyəti üzrə Nəzarət qrumlarının (MBNP və MB) normativ aktlarını bilmək;
  • Yüksək kommunikasiya bacarığı və komandada işləmək qabiliyyəti.

Vəzifə öhdəlikləri
  • Bankda aparılan pərakəndə bankçılıq və ona dəstək proseslərin analizini aparmaq, bu proseslər üzrə baş verə biləcək riskləri müəyyən etmək;
  • Pərakəndə bankçılıq üzrə qaydaların təkmilləşdirilməsi ilə bağlı təkliflərlə çıxış etmək və satış üçün təklif olunmuş yeni bank məhsullarının yaradılmasında iştirak etmək;
  • Proseslərin optimallaşdırılması üzrə təkliflər vermək;
Filialın kredit şöbəsində mütəxəssis
Yaş həddi:
20-30 yaş

Kompüter biliyi:
MS Excel və MS Word proqramları ilə işləmək bacarığı;

Dil bilikləri:
Azərbaycan dili. Rus və İngilis dili bilənlərə üstünlük verilir
Vəzifə ilə bağlı tələblə:
  • Ali iqtisadi və ya hüquq təhsil;
  • Pərakəndə bankçılıq sahəsində (istehlak kreditləşməsi üzrə) minimum 2 il bank iş təcrübəsi;
  • Komandada işləmək bacarığı;
Vəzifə öhdəlikləri:
  • Müştərilərin qəbulu və onlara kredit məhsulları haqqında məlumatların verilməsi
  • Müştərilər tərəfindən verilmiş kredit ərizələrin təhlilinin aparılmasında iştirak edilməsi
  • Kreditlərin operativ qaydada rəsmiləşdirilməsinin təmin edilməsi
  • Kreditin ödənişi üçün müraciət etmiş müştərilərin ödənişinin qəbulu
  • Kredit öhdəliklərinin yerinə yetirilməsinə nəzarət
Korporativ satış mütəxəssisi
Vəzifə öhdəlikləri:
  • Müxtəlif seqmentlərə aid korporativ müştərilərin Banka cəlb edilməsi məqsədilə onlarla birbaşa əlaqələr qurmaq, daim yüksək səviyyəli xidməti təmin etmək;
  • Kompleks bank məhsul və xidmətlərinin müştərilərə təklifini təşkil etmək, çarpaz satışların həyata keçirmək;
  • Xidmət strukturları ilə birgə Korporativ müştərilərə Bank xidmətlərinin yüksək səviyyədə göstərilməsini və ümumi prosesləri nəzarətdə saxlamaq;
  • Kreditlər və sənədli əməliyyatlar üzrə daxil olan müraciətlərlə bağlı biznes təhlilini aparmaq;
  • Hər bir müştəri seqmenti üçün müvafiq şərti maliyyələşmə limitlərinin müəyyən edilməsi, təklif ediləcək xidmət və məhsulların, tariflərin strukturlaşdırılması və risk səviyyəsi meyarları üzrə ilkin qiymətləndirilməsi üçün KYC (Öz Müştərini Tanı) prosedurlarının tətbiq üzrə təkliflər vermək;
  • Müştərilərə xidmət strukturlarında korporativ satış fəaliyyətini koordinasiya etmək;
  • Korporativ müştərilər üçün məhsulların hazırlanması prosesinin iştirak etmək;
  • Satış hədəflərinin planlaşdırılması və satış dinamikasının təhlili aparmaq;
  • Maliyyələşdirmə üzrə müştərinin tələblərinə uyğun strukturlaşdırmanı həyata keçirmək;
  • Satış göstəricilərinə müntəzam nəzarət və monitorinq etmək;
  • Satış hədəflərinə nail olmaq məqsədilə müvafiq tədbirlər görmək;
  • Korporativ müştərilərin Bank vasitəsilə həyata keçirdiyi əməliyyatları analiz etmək və hesabatlılığını aparmaq.


Namizədə dair tələblər
  • Ali təhsil (iqtisadi, maliyyə, dəqiq elmlər üzrə təhsil);
  • Müvafiq sahə (korporativ müştərilərə xidmət) üzrə minimum 2 il iş təcrübəsi;
  • Bank məhsulları üzrə dərin biliklərə və geniş məlumatlara malik olması;
  • Sahəyə aid olan qayda və normativləri bilmək;
  • Bütün kateqoriyalı müştərilər ilə effektiv əlaqələr qurmaq və qorumaq bacarığı;
  • Biznes münasibətləri genişləndirmək və təkmilləşdirmək bacarığı;
  • Yüksək ünsiyyət və əlaqə qurma bacarıqları;
  • Komandada işləmək bacarığı;
  • Gərgin iş qrafikində işləmək bacarığı;
  • “MS Office” (Word, Excel, Power Point və sair) proqramlarından mükəmməl istifadə bacarığı;
  • Maliyyə və kredit analizi bilikləri;
  • Azərbaycan və rus dillərin səlis, ingilis dilini yaxşı (upper intermediate) səviyyədə bilmək.


Maraqlana namizədlər aşağıdakı vasitələrlə müraciət edə bilərlər
  • http://azerturkbank.az/bank/hr/form ünvanında müraciət formasını dolduraraq
  • CV-ləri hr@azerturkbank.az poçt ünvanına göndərərək
  • Mövzu hissəsində" KORPORATİV SATIŞ MÜTƏXƏSSİSİ " qeyd etmək tələb olunur
  • CV-lər 15 Dekabr 2017-ci ilədək göndərilməlidir.

Valyuta kalkulyatoru